امْــشَ مَـتْعَوَّنْ بَالايمَـانْ       الْمَـعْـطَ بَــيْـدِيـنْ املاَنَـاتْ

وَمْـشَ مُوَدَّعْ لَـسَّـبْـحَـانْ       التَّــعْــدَالْ وُمَـاتَـتْ لَـمَّـاتْ

 

يَامُـولاَنَ مِــيـنَـة ُّ هَــاهْ        ذَاكْ الْكَانَـتْ تَعْطِي مَزَّاهْ

الاَّ كِفَنْ فَـصْلَتْ فَــتْـرَاهْ       اعْــطِـهْ الْــهَ زَايَــدْ مَـرَّاتْ

وَكْـرَمْ مَـــثْــوَاهَ يَـالِــلاَهْ       وَقْـبَـرْهَ يُـوسَاعْ الْـلَـمْـبَـاتْ

ابْـلاَ ظَـلْمَه وُسْطـُ وَحْذَاهْ      وَلْــهَ يُـنَــعَّــتْ فَــجَّـــنَّــاتْ

ابْـلَـدْهَ وَتْـشُـوفُ وَتْــرَاهْ       وتْـعُـودْ امْـعَـاهَ حُـورِيَــاتْ

 

وَمْـنـَيْنْ اعْـكَـبْنَاهَ فَالـدَّارْ       ذَاكْ الِّ كَامَــلْ كَــلْ انْــهَارْ

وُكَلْ لَيْلَه كَانَتْ بَسْتمْرَارْ       اتْــلَــفْ وُتَــرْسَــلُّ يَـنـجَــاهْ

لاَ يَـذْهَـبْ عَنْهَ كَدْ اغْيَارْ      مَـــنُّ شِ هِـــيَّ تَـتْــمَــــنَّــاهْ

وَالرَّحْـمَه يَالرَّبْ الْغَـفَّـارْ      وَصْـــبَـــرْنَ وَاِنَّـــــــــــا لِلهْ

 

امْــشَ مَـتْعَوَّنْ بَالايمَـانْ       الْمَـعْـطَ بَــيْـدِيـنْ املاَنَـاتْ

وَمْـشَ مُوَدَّعْ لَـسَّـبْـحَـانْ       التَّــعْــدَالْ وُمَـاتَـتْ لَـمَّـات